نئين دهلي: اڪستان ۽ چين مان خطرن جو بهانو بڻائي ڀارت پنجاب سيڪٽر ۾ روس جو تيار ٿيل دفاعي ميزائل نظام ايس 400 لڳائڻ شروع ڪري ڇڏيو آهي. ڀارتي ميڊيا رپورٽن موجب روس ڀارت کي ايس 400 ميزائل دفاعي نظام جي فراهمي شروع ڪري ڇڏي آهي ۽ پهريون ايس 400 ايئر ڊفينس ميزائل سسٽم اسڪواڊرن پنجاب سيڪٽر ۾ لڳايو پيو وڃي. ڀارتي ميڊيا مطابق دفاعي نظام جي پهرئين اسڪواڊرن جي فراهمي هلندڙ مهيني مڪمل ٿي ويندي. رپورٽن ۾ ٻڌايو ويو آهي ته ڀارتي فضائيا طرفان ايس 400 ميزائل دفاعي نظام جو پهريون اسڪواڊرن پنجاب سيڪٽر ۾ لڳايو پيو وڃي، جيڪو ايندڙ ڪجهه هفتن ۾ آپريشنل ٿي ويندو. ميڊيا رپورٽن موجب ميزائل دفاعي نظام جو پهريون اسڪواڊرن سامونڊي ۽ فضائي رستي کان پهچايو ويو آهي، جنهن کي تيزيءَ سان لاڳاپيل هنڌ لڳايو ويندو.
