طالبان ڊرون حملن تي آمريڪا کي سنگين نتيجن جي ڌمڪي ڏئي ڇڏي

افغان طالبان خبردار ڪندي چيو آهي ته جيڪڏهن آمريڪا افغان فضائي حدن جي خلاف ورزي ڪئي ۽ ڊرون حملن کان نه مڙيو ته ان جا سنگين نتيجا نڪرندا،

طالبان حڪومت جي ترجمان ذبيح الله مجاهد ٽوئيٽر تي پنهنجي بيان ۾ چيو ته آمريڪا افغانستان ۾ ڊرون حملا ڪري سمورن عالمي حقن ۽ قانون کان علاوه دوحا ۾ ڪيل وعدن جي خلاف ورزي ڪري رهيو آهي، سمورن ملڪن خاص ڪري آمريڪا کان مطالبو آهي ته ڪنهن به قسم جي منفي نتيجن کان بچڻ لا افغانستان سان عالمي حقن، قانون ۽ وعدن موجب رويو اختيار ڪيو وڃي.