اسلام آباد: نيشنل اليڪٽرڪ پاور ريگيوليٽري اٿارٽي (نيپرا) بجلي جي قيمتن ۾ واڌ ڪري ڇڏي آهي.
نيپرا پاران جاري ڪيل بيان موجب بجلي جي قيمت ۾ في يونٽ هڪ رپئي 65 پيسن جو اضافو ڪيو ويو آهي، جيڪو 3 ماهي ايڊجسٽمنٽ جي مد ۾ڪيو ويو آهي.
گذريل مالي سال جي پھرين ۽ ٻين ٽه ماهي ۾ بجلي جي قيمت 89 پيسا في يونٽ وڌائي وئي هئي، ٽين ٽه ماهي ۾ 67 پيسا ۽ چوٿين ٽه ماهي ۾ 83 پيسا واڌ ڪئي وئي هئي.
ٻڌايو ويو آهي ته بجلي جي قيمتن ۾ واڌ 3 ماهي فيول ايڊجسٽمينٽ جي مد ۾ ڪئي وئي. بجلي قيمتن ۾ واڌ جو اعلان 300 يونٽ کان وڌيڪ استعمال ڪندڙ صارفين مٿان هوندو.
ڪي اليڪٽرڪ صارفين مٿان بجلي جي واڌ وارو اعلان لاڳو نه هوندو.
