ٽيڪساس جي اسڪول ۾ مارجي ويل ماسترياڻي جو مڙس صدمي ۾ فوت

آمريڪي شهر ٽيڪساس ۾ جنوني هٿياربندن جي اسڪول اوالڊي ۾ فائرنگ ۾ 19 ٻارڙن ۽ ٻن اسڪولي استادن جي مارجڻ واري واقعي ۾ قتل ٿي ويل ماسترياڻي ارما گارسيا جو مڙس دل ٽٽڻ سبب زندگي جي جنگ هارائي ويو آهي. ميڊيا مطابق ارما گارسيا

اسڪول ۾ گذريل 23 سالن کان شاگردن کي پڙهائي رهي هئي. قتل ٿي ويل ماسترياڻي جو مڙس جو گارسيا ڏک ۽ ڪاوڙ سبب صدمو برداشت نھ ڪري سگهيو ۽ فوت ٿي ويو. هوڏانهن مختلف سماجي تنظيمن گارسيا خاندان جي سهائتا خاطر فنڊ گڏ ڪيو، جيڪو اميدن کان وڌيڪ 16 لک ڊالر جمع ٿي ويو آهي.