راڌڻ ۾ گهر کي باهه، نياڻين جو ڏاج ۽ الهه تلهه رک

راڌڻ: راڌڻ شهر جي ديوان محلي ۾ بجلي جي شارٽ سرڪٽ مان ڊاڪٽر لوڪ رام جي پٽ لالا شباش جي گھر کي باهه لڳي وئي، جنهن ڪري ھڪ ڪمري ۾ پيل نياڻين جو ڏاج، هنڌ بسترا ۽ ٻيو سمورو قيمتي سامان سڙي رک ٿي ويو، جڏهن ته اطلاع باوجود فائربرگيڊ نه پهتي، جنهن سبب ٻن ڪلاڪن کان وڌيڪ وقت باهه ٻرندي رهي. ٻئي پاسي شهرين پنهنجي مدد پاڻ باهه تي ضابطو آندو. باهه متاثر ٻڌايو ته باهه سبب الهه تلهه سڙي رک ٿي ويو آهي. هن چونڊيل نمائندن کان سهائتا جي اپيل ڪئي.