قاضي احمد ڀرسان روڊ حادثي ۾ 2 سڳا ڀائر فوت ٿي ويا. شادي جون خوشيون ماتم ۾ تبديل ٿي ويون. خبر موجب قاضي احمد لڳ رنگ محل شادي ھال ۾ شادي تقريب دوران ڄاڃين جي ماني لا شھر مان رڪشا تي سوار ٿي ڪڪڙ جو گوشت کڻڻ لا ويندڙ رڪشا کي پويان ايندڙ تيز رفتار گاڏي ٽڪر هنيو، جنهن جي نتيجي ۾ رڪشا ۾ سوار 5 ڄڻا زخمي ٿي پيا، جن کي مقامي اسپتال منتقل ڪيو ويو، جتان نازڪ حالت ۾ ٻن نوجوان ڀائرن محمد موسى جتوئي ۽ محمد عيسى جتوئي کي نواب شاهه اسپتال ريفر ڪيو ويو ته ٻنهي رستي ۾ دم ڏئي ڇڏيو. اھڙي اطلاع تي شادي جي هلندڙ تقريب ماتم ۾ تبديل ٿي وئي. جڏھن ته واقعي ۾ سائين بخش جتوئي، امتياز ملاح، غلام محمد سميت 3 ڄڻا زخمي ٿي پيا. ضروري ڪارروائي کانپو ميتن کي وارثن حوالي ڪيو ويو. لاش ڳوٺ نيو ويو ته گهر ۾ ڪھرام مچي ويو.
