ڊالر جي اگهه پراڻا سڀئي رڪارڊ ٽوڙي ڇڏيا، 240 رپين جو ٿي ويو

پاڪستاني رپئي جي ڀيٽ ۾ آمريڪي ڊالر تاريخ جي سڀ کان مٿانهين سطح 240 رپين تي پهچي ويو، ان کان اڳ هلندڙ سال 28 جولا تي ڊالر جو اگهه سڀ کان وڌيڪ 239 رپيا 94 پئسن تائين پهتو هو، جنهن بعد گهٽتائي جو رجحان ڏٺو ويو ۽ ڊالر جي قيمت 213 رپين تائين به پهتي هئي. گذريل ڏينهن ڊالر جي اگهه ۾ هڪ رپيو 9 پئسا واڌ رڪارڊ ڪئي وئي. مليل ڄاڻ موجب هاڻوڪي حڪومت جي دور ۾ هيل تائين ڊالر 57 رپيا 7 پئسا مهانگو ٿيو آهي، جڏهن ته گذريل پي ٽي آ حڪومت جي ساڍا 3 سالن ۾ ڊالر جو اگهه 58 رپيا 8 پئسا وڌيو هو.