مٺي ۾ نوجوان جو وڻ ۾ ٽنگيل لاش مليو

مٺي: مٺي تعلقي جي ڳوٺ عالمسر ۾ 21 ورهين جي نوجوان راجيش ڪمار ولد ڏاڏو ڀيل جو گهرن ڀرسان وڻ ۾ ٽنگيل لاش مليو، وارثن ۽ پوليس خودڪشي جو واقعو قرار ڏنو. اطلاع تي پوسٽ ڀڪوئو جي پوليس واقعي واري هنڌ پهچي لاش وڻ مان لاهي مٺي سول اسپتال پهچايو، جتان ضروري ڪارروائي بعد لاش وارثن حوالي ڪيو ويو. پوليس موجب واقعي کي نوجوان جا وارث خودڪشي قرار ڏين ٿا، پر خودڪشي جو ڪارڻ سامهون ناهي آيو، واقعي جي جاچ ڪري رهيا آھيون. وارث لاش ڳوٺ عالمسر نيو ويو.