شاهپورجهانيان ڀرسان غربت کان تنگ پيرسن آپگهات ڪري ڇڏيو

شاهپورجهانيان: شاهپور جهانيان ڀرسان ڳوٺ ماڙي جي رهواسي 60 سالن جي ڪريم بخش مري غربت سبب وڻ ۾ رسو ٻڌي ڳچي ۾ ڦاهو کائي خودڪشي ڪري ڇڏي. جڏهن ته پيرسن جي آپگهات ڪرڻ ڪري گهر ۾ ڪهرام مچي ويو. فوتي کي سوين آلين اکين سان مٽي ما حوالي ڪيو ويو. ان حوالي سان فوتي جي پٽ خليل احمد مري ٻڌايو ته منهنجو پي رئيس سرمد ٻگهيو جي ٽيوب ويل مشين تي چوڪيدار هو، رات چوڪيداري لا ويو ته صبح جو وڻ ۾ ٽنگيل لاش مليو آهي، بابا غربت سبب پريشان رهندو هو، اسان جي ڪنهن سان به دشمني ناهي.