خيبر پختونخوا ۾ صحت ڪارڊ تي علاج سان گڏ دوائون به مفت ڏيڻ جو اعلان

خيبر پختونخوا ۾ تحريڪ انصاف جي صوبائي حڪومت صحت ڪارڊ تي مفت علاج سان گڏوگڏ مريضن کي دوائن جي مفت فراهمي به شروع ڪرڻ جو فيصلو ڪيو آهي. صوبائي حڪومت موجب صوبي ۾ شگر، دل جي بيمارين ۽ ٻين مرضن جون دوائون صحت ڪارڊ ذريعي مفت فراهم ڪيون وينديون. صحت ڪارڊ پروگرام جي ڊائريڪٽر چيو ته شهري حياتي بچائيندڙ دوائون صحت ڪارڊ ذريعي آساني سان حاصل ڪري سگهندا، ان سلسلي ۾ خيبر پختونخوا صوبي اندر پهرين مرحلي ۾ 4 ضلعن کان شروعات ڪئي ويندي.