ڇاڇرو: ڇاڇرو ويجهو ڳوٺ گونگيو ۾ 22 ورهين جي نوجوان ناري پوران زال پرماند ميگھواڙ جو گهر مان ڦاهو ڏنل لاش هٿ آيو، وارثن ۽ ڳوٺاڻن جي اطلاع تي پوليس پهچي لاش تحويل ۾ وٺي اسپتال منتقل ڪيو، شروعاتي جاچ ۾ ناري جي ساهرن موت جو ڪارڻ آپگهات قرار ڏيندي چيو ته دماغي توازن ٺيڪ نه هئڻ ڪري پوران آپگهات ڪيو آهي. پوليس موجب عورت جو دماغي توازن ٺيڪ نه هجڻ بابت وارثن ميڊيڪل رپورٽ پيش ناهي ڪئي، پر وارث چون ٿا ته ناري آپگهات ڪيو آهي، وڌيڪ جاچ ڪري رهيا آهيون. جڏهن ته علائقي ۾ چوٻول آهن ته گهرو جهيڙي سبب ناري آپگهات ڪيو آهي. ٻئي پاسي پوليس ناري جو لاش پوسٽ مارٽم بعد وارثن حوالي ڪيو.
