ڪراچي: پي ڊي ايم سربراهه مولانا فضل الرحمان چيو آهي ته ادارا حقيقتن کي سمجهن ۽ پنهنجي ڪردار جو جائزو وٺن، جيڪڏهن هن ناجائز حڪومت کي سمنڊ ۾ غرق نه ڪيو ويو ته ملڪي سلامتي لا خطرا پيدا ٿي ويندا، تحريڪ انصاف حڪومت چوري جي ووٽن سان آئي آهي. مهانگائي ۽ بيروزگاري خلاف ڪراچي جي ريگل چوڪ تي احتجاجي مظاهري کي خطاب ڪندي مولانا فضل الرحمان چيو ته غربت کان تنگ عوام پارليامينٽ لاجز سامهون ٻار وڪرو ڪرڻ لاءِ ويٺل آهن، معيشت مستحڪم ٿيڻ سان ئي قومون مضبوط ٿينديون آهن، تاريخ شاهد آهي ته جتي اقتصادي بحران آيو، اتي بغاوت جنم ورتو.
