دادو: دادو ڀرسان چنگچي رڪشا جي ٽڪر ۾ موٽرسائيڪل سوار سپاف ڪارڪن فوت ٿي ويو. ان سلسلي ۾ دادو ڀرسان خدا آباد ٿاڻي جي حد ۾ تيز رفتار چنگچي رڪشا جي ٽڪر ۾ موٽرسائيڪل سوار پ پ سپاف ڪارڪن پون ڪمار اوڏ ۽ ماجد پنهور زخمي ٿي پيا، زخمين کي ڳڻتي جوڳي حالت ۾ سول اسپتال دادو منتقل ڪيو ويو، جتي سپاف ڪارڪن پون ڪمار زخمن جي سٽ نه سهندي فوت ٿي ويو، جڏهن ته زخمي ماجد پنهور جي حالت ڳڻتي جوڳي هئڻ سبب سيوهڻ اسپتال ريفر ڪيو ويو. زخمي موجب ڀان سيد آباد کان دادو تائين رڪشا ڊرائيور گاڏيون ڊوڙائي رهيا هئا، تيز رفتار سامهون ايندڙ رڪشا اسان کي ٽڪر هنيو. ٻئي پاسي فوتي نوجوان جو لاش گهر پهچڻ تي ڪهرام مچي ويو.
