آصف زرداري سان دبئي ۾ شرجيل ميمڻ ۽ ٻين صوبائي وزيرن جي ملاقات

اڳوڻي صدر ۽ پيپلز پارٽي جي شريڪ چيئرمين آصف علي زرداري سان دبئي ۾ سنڌ جي صوبائي وزيرن ملاقات ڪئي آهي. ملاقات ڪندڙن ۾ سڌ سما بابت صوبائي وزير شرجيل انعام ميمڻ، مڪاني کاتن جو وزير سيد ناصر حسين شاهه ۽ سنڌ اسيمبلي ميمبر سهيل انور سيال شامل هئا، ٽنهي اڳوڻي صدر جي عيادت ڪئي ۽ سندس طبيعت معلوم ڪئي. صوبائي وزير سيد ناصر شاهه موجب اڳوڻو صدر آصف علي زرداري پنهنجي دبئي واري گهر ۾ تيزي سان صحتياب ٿي رهيو آهي.