اڳوڻي وزيراعظم ۽ نواز ليگ اڳواڻ شاهد خاقان عباسي چيو آهي ته ملڪ جو ڏيوالو نڪرڻ جو ڪو به خطرو ناهي، جيڪڏهن اسان حڪومت ۾ نه اچون ها ته ملڪ 6 مهينن اندر ڊيفالٽ ٿي وڃي ها. پنهنجي بيان ۾ هن چيو ته مفاهمت جو بادشاهه ڪير به ناهي هوندو، آصف علي زرداري اتحادي حڪومت جو حصو آهي، آئين جي بالادستي کانسوا ملڪ نٿو هلي سگهي. هن چيو ته ڊالر مارڪيٽ مطابق هلندو آهي ۽ ڊالر جي اگهه ۾ واڌ جي ذميواري ناڻي واري وزير کي قبول ڪرڻي پوندي آهي. هن وڌيڪ چيو ته عمران خان جي دور ۾ دوست ملڪ ڪا ڳالهه مڃڻ لا تيار نه هئا، ڪو ادارو ڳالهائڻ لا تيار نه هو، عمران جيڪڏهن اپوزيشن ۾ ويهي رهي ها ته ڪا قيامت نه اچي ها.
