عوام ڇنڇر تي چيف جسٽس جي حق ۾ روڊن تي نڪري:عمران خان

لاهور : تحريڪ انصاف چيئرمين عمران خان ڪارڪنن کي چيف جسٽس جي حق ۾ روڊن تي نڪرڻ جو سڏ ڏئي ڇڏيو. عمران خان ڪارڪنن کي هدايت ڪئي آهي ته ڇنڇر ڏينهن سج لٿي جي نماز کانپوءِ چيف جسٽس جي حق ۾ روڊن تي احتجاج ڪيو وڃي. هن چيو ته ملڪ تي مافيا قابض آهي ۽ مافيا شڪست جي خوف کان چونڊن نٿي ڪرائڻ چاهي، چونڊن جي حوالي سان سپريم ڪورٽ جو حڪم واضح آهي. سندس چوڻ هو ته اهي سپريم ڪورٽ ۽ چيف جسٽس خلاف شرمناڪ مهم هلائي رهيا آهن، سڀئي ڪارڪن عدليا جي حمايت ۾ ڇنڇر ڏينهن گهرن مان نڪرن.