لاڙڪاڻي جيل ٻاهران گهمندڙ شڪي نوجوان وٽان بال ۾ ويڙهيل هيروئن هٿ

لاڙڪاڻو:سينٽرل جيل چوڌاري ڦرندڙ شڪي نوجوان وٽان بال ۾ ويڙهيل هيروئن هٿ ڪئي وئي، جيل انتظاميا نوجوان کي وليد پوليس حوالي ڪري ڇڏيو. سينيئر سپرنٽينڊنٽ سينٽرل جيل لاڙڪاڻو اشفاق ڪلوڙ پاران جاري پڌرائي ۾ ڄاڻايو ويو آهي ته منجهند ڌاري سينٽرل جيل ٻاهران ڦرندڙ شڪي شخص کان جيل گشتي پوليس پاران پڇا ڳاڇا ڪئي وئي. تلاشي دوران سندس کيسي مان هڪ سائي رنگ جي پوليٿين شاپر هٿ آئي جنهن ۾ هڪ ٽينس بال ٽائپ ڪا شي ملي، جنهن مان هيروئن ملي جنهن جو وزن 50 گرام هيو. وڌيڪ معلوم ڪرڻ تي نوجوان پنهنجو نالو منور عرف جگنو پٽ اعظم خان چانڊيو ٻڌايو. اها هيروئن جيل اندر هڪ قيدي نادر ولد عبدالستار ڏيرو لا آندي هئي. پڪڙيل جوابدار کي هيروئن سميت وليد پوليس حوالي ڪيو ويو، جتي سندس خلاف ڪيس داخل ڪيو ويو.