ميهڙ ۾ کنڀي گم ڪيل ڪارڪنن جي بازيابي لا احتجاج

ميهڙ ۾ کنڀي گم ڪيل نوجوانن جي بازيابي لا سنڌ ڀا طرفان گهنٽا گهر چوڪ تي احتجاجي مظاهرو ڪيو ويو. ان موقعي تي ڳالهائيندي انعام سنڌي چيو ته سنڌ جي وسيلن جي ڦرلٽ کان پوءِ سنڌ ۾ قومي ڪارڪنن کي قتل ڪرڻ ۽ کين کنڀي گم ڪرڻ جو سلسلو شروع ڪيو ويو آهي. هن وڌيڪ چيو ته سنڌ سياسي جدوجهد ذريعي ئي بچائي سگهجي ٿي، ڌرتي بچائڻ لاءِ سنڌي ماڻهن کي پنهنجو ڪردار ادا ڪرڻو پوندو. ھوڏانھن انعام سنڌي پاران ميھڙ جي گھنٽا گھر چوڪ تي 3 ڏينھن جو ڪتابي ميلو لڳايو ويو، جتي ميھڙ شھر سميت تعلقي جي ننڍن وڏن شھرن جي رھواسين اسٽال جو معائنو ڪيو.