ڪراچي: صوبائي سڌ سماءُ واري وزير وزير شرجيل انعام ميمڻ چيو آهي ته 5 جولاءِ پاڪستان جي تاريخ جو ڪارو ترين ڏينهن هو، شهيد ذوالفقار علي ڀٽو جي چونڊيل حڪومت کي ختم ڪري ملڪ جي ترقي ۽ خوشحالي تي راتاهو هنيو ويو. سماجي رابطن واري ويب سائيٽ ٽوئيٽر تي جاري ڪيل پيغام ۾ شرجيل انعام ميمڻ چيو ته 5 جولاءِ پاڪستان جي تاريخ جو ڪارو ترين ڏينهن هو. سندس چوڻ هو ته شهيد ذوالفقار علي ڀٽو جي چونڊيل حڪومت کي ختم ڪري ملڪ جي ترقي ۽ خوشحالي تي راتاهو هنيو ويو. سنڌ جي اطلاعات کاتي واري وزير شرجيل انعام ميمڻ چيو ته جيڪڏهن شهيد ڀٽو خلاف سازش نه ٿئي ها ته اڄ پاڪستان هڪ سپر پاور ملڪ هجي ها. اسلامي ملڪ متحد ۽ پاڪستان جو ڳاڻيٽو ترقي ڪندڙ ملڪن ۾ ٿئي ها.
