اسلام آباد : ن ليگ نواز شريف کي وزيراعظم جو اميدوار نامزد ڪري ڇڏيو. وزيراعظم هائوس ۾ صحافين سان ملاقات دوران ڳالهائيندي شهباز شريف چيو ته ريويو آف ججمنٽ ايڪٽ ڪالعدم ٿيڻ سان نواز شريف کي ڪو فرق نه پوندو، اليڪشن ايڪٽ جي ترميم سان نواز شريف جي نااهلي ختم ٿي چڪي آهي، نواز شريف جي واپس اچڻ ۾ ڪا رنڊڪ ناهي. هن چيو ته پارٽي صدر طور مان نواز شريف کي وزيراعظم لاءِ ن ليگ اميدوار نامزد ڪيو آهي، چونڊن جو فيصلو اليڪشن ڪميشن کي ڪرڻو آهي، ن ليگ جي خواهش آهي ته جلد کان جلد چونڊون ٿين. هن چيو ته پارٽي صدر جي حيثيت سان مون نواز شريف کي مسلم ليگ ن جو اميدوار نامزد ڪيو آهي، چونڊن جو فيصلو اليڪشن ڪميشن کي ڪرڻو آهي، ن ليگ چاهي ٿي ته جلد کان جلد چونڊون ڪرايون وڃن. مون کي فخر آهي ته اسٽيبلشمينٽ سان منهنجا هميشه سٺا لاڳاپا رهيا آهن. مون ڏکين حالتن ۾ 16 مهينا حڪومت هلائي، مان سمجهان ٿو ته معاشي صورتحال سبب اسان جو ووٽ بئنڪ گهٽجي ويو پر اسان رياست کي بچايو، مان سمجهان ٿو ته رياست بچي وڃي ته سڀ ڪجهه بچي وڃي ٿو. وزيراعظم چيو ته مون ڪڏهن به ڪنهن صحافي سان شڪايت ناهي ڪئي، مون هميشه تنقيد ۽ تعميري تنقيد کي ڀليڪار ڪيو آهي. مون صحافين کي يقين ڏياريو ته هو آزاد رپورٽ ڏين. اسان کي سخت فيصلا ۽ قدم کڻڻا پيا ڇو ته اسان ڪجهه نه ڪري سگهياسين، ڪنهن به وزيراعظم کي الوداع نه چيو آهي جيئن مان وڃان ٿو، سڀني سان گڏ وڃان ٿو.
