قمبر ۾ يوٿ فورم جي اڳواڻ مهتاب شيخ کي کنڀي گم ڪرڻ خلاف ستين ڏينهن به قمبر يوٿ فورم جي اڳواڻن، سياسي سماجي اڳواڻن ۽ گهر ڀاتين جي جناح باغ کان احتجاجي ريلي ڪڍي شهر جي مختلف چوراهن کان ٿيندي پريس ڪلب اڳيان مظاهرو ڪيو ويو. ان موقعي تي اڳواڻن پيارل پنهور، ڪامريڊ اياز ٻرڙو، اياز جمال چانڊيو، اڳواڻ نثار ڏيپر ۽ ڳالهائيندي چيو ته مهتاب شيخ کي بيگناهه کنڀي گم ڪيو ويو آهي، هو صرف قمبر يوٿ فورم جي پليٽ فارم تان قمبر شهر لاءِ مختلف سماجي ڪمن تعليم، صحت، صفائي ۽ امن امان لاءِ خدمت سر انجام ڏيندو هو، مھتاب شيخ شهرين جي حقن لاءِ آواز اٿاريندو هو، مھتاب کي ستون ڏينهن آهي قانون لاڳو ڪندڙ ادارن کنڀي بنا سبب جي گم ڪري ڇڏيو آهي. هنن مطالبو ڪيو ته کيس بنا دير جي آزاد ڪيو وڃي
