کهڙا ۾ قذافي ٽائون ڪراچي جي رهواسڻ کهڙا جي نوجوان سان عدالتي پرڻو ڪري ڇڏيو آهي، يسرا ۽ اسد الله شر تحفظ جي گهر ڪندي صحافين کي ٻڌايو ته 15 ڏينهن اڳ اسان ٺري ميرواهه جي عدالت ۾ پنهنجي رضا خوشيءَ سان شادي ڪئي آهي. جنهن تي ڪاوڙجي اڳوڻو مڙس عبدالغفور پٽ يعقوب خان، رياض ۽ فياض خان موتمار ڌمڪيون ڏئي رهيا آهن، عورت ٻڌايو ته مونکي اڳوڻي مڙس مان پٽ جو اولاد آهي، 3 سال اڳ هن مون کي زباني طلاق ڏني، جنهن بعد مان پنهنجي ماءُ وٽ رهندي هيس، جتي پڻ هو مونکي مارڪٽ ڪندو هو، هينئر اسد الله سان خوش آهيان، هنن تحفظ جو مطالبو ڪيو.
