سنڌ جي اطلاعات کاتي واري وزير شرجيل انعام ميمڻ ڪامن ويلٿ گيمز 2022 ۾ ارشد نديم کي سونو ٻلو کٽڻ تي واڌايون پيش ڪيون آھن. صوبائي وزير چيو ته ارشد نديم ملڪ جي لاءِ اعزاز حاصل ڪيو آهي، هي قوم جا اصل هيروز آهن. ارشد نديم انجري باوجود اھڙو ڪارنامو سرانجام ڏنو. هن جي همت ۽ جذبي تي کيس سلام پيش ڪريون ٿا. شرجيل انعام ميمڻ نوح دستگير بٽ کي ويٽ لفٽنگ ۾ سونو ٻلو کٽڻ تي مبارڪباد پيش ڪئي آھي. هن چيو ته تربيت جون سهولتون نه هجڻ باوجود اسان جي ايٿليٽس جي ڪارڪردگي متاثر ڪندڙ آهي. شرجيل انعام ميمڻ چيو ته ڪامن ويلٿ گيمز 2022 ۾ 3 چاندي ۽ 3 ڪانسي جا ٻلا کٽڻ تي به پاڪستاني ايٿليٽس مبارڪباد جا مستحق آهن.
