قمبر جي ڳوٺ خيرپور جوسو ۾ مقتولا عورت فھميده سيال جي تڏي تي ايم پي اي سھيل انور سيال پهتو، جنھن واقعي تي گھري ڏک ۽ افسوس جو اظھار ڪندي چيو ته مظلومن سان ظلم ٿيو رهيو آهي، نياڻي فھميده سيال جي واقعي تي ڳالھائڻ لا ڪي به لفظ ناھن، ھي واقعو درندگي جي حد آھي ته ھڪ نياڻي کي گھر ۾ گھڙي گوليون ھڻي سرعام قتل ڪرڻ ۽ وري پاڻ کي بي قصور چوڻ شرم جھڙي ڳالهھ آھي، منھنجو سياسي واسطو ڀلي ڪنھن به پارٽي سان ھُجي پر منھنجون ھمدرديون متاثر نياڻي جي سوڳوار خاندان سان آھن ۽ برادري جي ناتي مان پھرين ڏينھن کان متاثرن سان گڏ آھيان. ٻئي طرف ايس ايس پي قمبر ڊاڪٽر سُمير نور چنا جوابدارن کي گرفتار ڪرڻ جو يقين ڏياريو.
