![](https://s3.amazonaws.com/sindhexpress.com.pk/2022/12/Miro-khan-M-Ahtjaj-e1670875103763-780x307.jpg)
ميرو خان ۾ ٽائون آفيس ملازمن 20 سيڪڙو وڌايل پگهار نه ملڻ خلاف ميرحسن سومرو، اڪرم ابڙو، جاويد ايري، اسدالله تونيو ۽ ٻين جي اڳواڻي ۾ ٽائون آفيس ميرو خان اڳيان احتجاجي مظاهرو ڪيو. ان موقعي تي ٽائون ملازمن دانهيندي چيو ته سنڌ سرڪار پاران گذريل سال جي بجيٽ ۾ سرڪاري ملازمن جي 20 سيڪڙو وڌايل پگهار ٽائون ملازمن کي هن وقت تائين ناهي ڏني وئي. هنن چيو ته هاڻي ماهوار بجيٽ ۾ 8 لک جو اضافو ڪيو ويو آهي پر ان باوجود ايڊمنسٽريٽر ۽ ٽائون آفيسر واڌو پگهار ڏيڻ لاءِ تيار ناهن. ملازمن مطالبو ڪيو ته سنڌ سرڪار پاران بجيٽ ۾ وڌايل 20 سيڪڙو اضافي پگهار ڏئي ٽائون ملازمن جون نومبر مهيني جون پگهارون ڪري بيچيني ختم ڪئي وڃي نه ته ٻي صورت ۾ احتجاج جو دائرو وڌايو ويندو.