يارولنڊ جي ڳوٺ قائم خان لنڊ جي رهواسي نثار لنڊ کي گهوٽڪي ۾ 10 ڏينهن اڳ قتل ڪيو ويو هو، جنهن جي قتل ڪيس ۾ گهربل جوابدارن مان هڪ به جوابدار گرفتار ناهي ٿي سگهيو. مقتول جي وارثن ڪجلو لنڊ، ظفر لنڊ، راحب لنڊ احسان لنڊ ۽ ٻين الزام هڻندي چيو ته قتل ڪيس به جوابدارن مٿان داخل ٿيل آهي، اي سيڪشن گهوٽڪي پوليس ڳري رشوت وٺي جوابدار گرفتار نٿي ڪري، جوابدارن کي گرفتار ڪري انصاف ڪيو وڃي، ياد رهي ته يرولنڊ جي ڳوٺ قائم خان لنڊ رهواسي ڀائر نثار لنڊ، ظفر لنڊ برادري سان هلندڙ پراڻي تڪرار تان گهوٽڪي جي هوٽل تي جوابدارن مٿان فائرنگ ڪئي هئي، جنهن ۾ نثار لنڊ موقعي تي قتل ٿي ويو.
