ڪاڇي ۾ ناياب پرڏيھي پکين جي نسل ڪشي خلاف جوھي ۾ ٻئي ڏينھن به حاجي احمد جمالي، مھرالله، سمير گراماڻي ۽ ٻين جي اڳواڻي ۾ پريس ڪلب آڏو ڌرڻو ھنيو ويو. ان موقعي اڳواڻن چيو ته ڪاڇي اندر عرب شڪاري ۽ سندن مددگار راکا ناياب پرڏيھي پکين جو سرعام قتل عام ڪري رھيا آھن، جڏھن ته عرب شڪارين جي راکن پوري علائقي کي مقامي ماڻھن لا نوگو ايريا بڻائي ڇڏيو آھي، جتي مقامي ڳوٺاڻن جي پنھنجي ذاتي زمينن تي اچ وڃ ۽ چر پر تي پابندي لڳائي ڇڏي آھي. هنن چيو ته اسان لکين روپيا خرچ ڪري زمينن تي ھر ڪاھي سرنھن جو فصل پوکيو آھي, ور عرب شڪاري ۽ سندن مددگار راکا روازنو اسان جي پوکيل فصل تان گذري انکي تباهه ڪري رهيا آهن. ھنن چيو ته اسان جي ٻه سئو ايڪڙ کان وڌيڪ زمين تي عرب شڪارين ۽ انھن جي ھٿياربند سھولتڪارن جو قبضو آھي, اسان جا گھر ڀاتي ۽ زمين تي ھارپو ڪندڙ ھارين کي موتمار ملندڙ ڌمڪين سبب گھرن تائين محدود ٿي ويا آھن. هنن مطالبو ڪيو ته ڪاڇي اندر ايمرجنسي ۾ شڪار تي پابندي لڳائي ناياب پرڏيھي پکين جي نسل ڪشي بند ڪرائي وڃي.
