شاهه محمود موسم ڏسي پارٽيون تبديل ڪندو آهي:شرجيل ميمڻ

سڌ سماءُ واري وزير شرجيل انعام ميمن شاهه محمود قريشي جي پريس ڪانفرنس تي ردعمل ۾ چيو آھي ته شاهه محمود قريشي موسم ڏسي پارٽيون ۽ قائد تبديل ڪندو رھيو آهي. صوبائي وزير پنھنجي ٽوئٽ ۾ چيو آھي ته پيپلز پارٽي شاهه محمود کي سازش ڪندي پڪڙيو. هن چيو ته عمران نيازي کي سڀ کان وڌيڪ خطرو لوٽي شاهه محمود مان آھي. ھن چيو ته شاهه محمود جهڙن احسان فراموش ماڻهن لاءِ اهو قول ڪافي آهي ته “جنهن تي احسان ڪيو ، ان جي شر کان ڊڄو”.