قائد عوام شهيد ذوالفقار علي ڀٽو جي 44 هين ورسي جو جلسو نئون ديرو هائوس ۾ منعقد ڪيو ويو. تقريب کي خطاب ڪندي پيپلز پارٽي جي چيئرمين پرڏيهي وزير بلاول ڀٽو زرداري چيو آهي ته اڄ جي ڏينهن هن ملڪ جو عوام، هاري ۽ غريب طبقو قائد عوام شهيد ذوالفقار علي ڀٽو کي ياد ڪري رهيو آهي جنهن اهڙيون پاليسون ٺاهيون جنهن ۾ پاڪستان جي حڪومت وڏي زميندار، صنعتڪار يا سردار سان گڏ بيهڻ بدران غريب هاري ۽ مزدور سان گڏ بيهي هارين، مزدورن کي حق ڏياريا، هر پاڪستاني جنهن وٽ اڄ ووٽ جو حق آهي اهي شهيد ذوالفقار علي ڀٽو کي ياد ڪن ٿا. هن چيو ته آئون اڄ به جڏهن مان عرب ملڪن يا آفريڪا ۾ پهچندو آهيان ته اهي پڇندا آهن ته ڇا توهان ذوالفقار علي ڀٽو جا ڏوهٽا آهيو. بلاول ڀٽو چيو آهي ته پيپلز پارٽي چونڊن لاءِ تيار آهي، تيار هئاسين ۽ سڀاڻي به تيار هونداسين پر اسان جو مطالبو آهي ته لارجر بينچ ٺاهي فيصلو ڏنو وڃي ان فيصلي کي اسان سڀ قبول ڪنداسين ۽ چاهيون ٿا ته ماضي جون غلطيون نه ورجايون وڃن. اسانچاهيون ٿا ته هن ئي چيف جسٽس جا لارجر بينچ جي فيصلن کي مڃڻ لاءِ تيار آهيون، اسان چيف جسٽس افتخار چوڌري، چيف جسٽس گلزار جا دور ڏٺا ۽ چيف جسٽس ثاقب نثار جون غلطيون ورجائڻ نه ٿا چاهيون ان ڪري چيف جسٽس عمر عطا بنديال کي ياد رکيو ويندو ته تاريخ ان کي عزت سان ياد رکي، تاريخ ان کي چيف جسٽس طور ياد رکي، پاڪستان کي آئين ۽ تباهي کان بچائيندڙ چيف جسٽس طور ياد ڪري خطرو اِهو آهي ته ٽن ججن جي انا جي ڪري پاڪستان ۾ آئيني بحران پيدا ٿي رهيو آهي اهو اسان کي غلط ۽ خطرناڪ رستي تي وٺي وڃي رهيو آهي ۽ هنن سڀني کي پارٽيون تبديل ڪري مزا ئي وٺڻا آهن پر جيل وڃڻو ۽ جمهوريت لاءِ وڙهڻو اسان ۽ توهان کي ئي هوندو آهي، اسان جا ئي شهيد ٿيندا آهن ۽ اسان جا ئي قبرستان ڀريل آهن ان لاءِ پيپلز پارٽي جو سپريم ڪورٽ، چيف جسٽس عمر عطا بنديال ۽ برادر ججن کان پرزور مطالبو آهي ته پاڪستان کي بچايو تخت لاهور جي ويڙهه پوري پاڪستان، وفاق ۽ معيشت کي ٻوڙي ڇڏيندي، هن وقت پاڪستان جن مسئلن ۽ معاشي بحران کي منهن ڏئي رهيو آهي اسان ماضي ۾ ايتريون معاشي مشڪلاتون نه ڏٺيون جيئن اڄ پاڪستاني عوام تاريخي مهانگائي، بيروزگاري برداشت ڪري رهيو آهي، سيڪيورٽي جو بحران سال 2007ع کان وري اهي ئي دهشتگرد اٿي رهيا آهن جيڪا آئيني بحران ائين ئي هليو ته اڳتي ته مان هوندس ته شهباز شريف هوندو جيڪڏهن خان صاحب جي اها غلط فهمي آهي جيڪو سمجهي ٿو ته هو ئي هوندو ۽ هو به هوندو هڪ ٻيو خطرناڪ تجربو هوندو جنهن جي قيمت پاڪستان جي عوام کي ڀوڳندو ۽ ان جو بار پاڪستان جو نئون نسل پنهنجي ڪلهن تي کڻندي اسان ان بحرانن کي نظرانداز ڪرڻ چاهيون ٿا ۽ سمجهون ٿا ته نفرت جي سياست بجاءِ طاقت جي نشي ۾ جيڪا ويڙهه ٿيندي آهي ان سان پاڪستان جي عوام جي اصل مسئلن غربت، بيروزگاري، بک ۽ امن امان، معاشي ترقي، زراعت، مزدور ۽ طبقي کي جيڪي مشڪلاتون آهن ان لاءِ اسان سڀ گڏجي يڪجهتي سان محنت ڪنداسين ته انهن مسئلن مان نڪري وينداسين، جيڪڏهن پاڪستان جا سمورا ادارا اهڙي طريقي سان ورهايل هوندا ۽ اهڙي نفرت جي سياست هوندي ته ان جي قيمت توهان کي ادا ڪرڻي پوندي. اڄ اسان قائدعوام کي ياد ڪندي سمورن اسٽيڪ هولڊرن کي پيغام ڏيڻ چاهيون ٿا ته هوش کان ڪم وٺن اسان کي جمهوريت ۽ هن اداري کي بچائڻو آهي، صاف ۽ شفاف چونڊون ليول پليئنگ فيلڊ سان ڪرائڻيون آهن، پيپلز پارٽي جي ڪوشش هوندي ته حڪومت کان شهيد ڀٽو جي عدالتي قتل جي ريفرنس تي معزز جج صاحبان جو ڌيان ڇڪايون اميد ته جيڪڏهن اسين ملي ڪري ڪوشش ڪنداسين ته انهن مسئلن جو حل نڪري سگهي ٿو، پيپلز پارٽي ڪوشش ڪندي ته پاڪستان کي هنن مسئلن مان ڪڍيون ۽ نفرت ۽ ورهائڻ واري سياست کي دفن ڪرڻ جي ڪوشش ڪيون ۽ پوري پاڪستان لاءِ هڪ ئي پيغام آهي ته هي پاڪستان منهنجو پر توهان جو سڀني جو پاڪستان آهي. هن چيو ته قائد عوام شهيد ذوالفقار علي ڀٽو جي قتل بابت سال 2012ع دوران صدر آصف علي زرداري سپريم ڪورٽ ريفرنس موڪليو ته اسان کي انصاف ڏنو وڃي ۽ 2018ع کان پوءِ مان پاڻ سپريم ڪورٽ پهچي ان ريفرنس جو حصو بڻجي جي ڪوشش ڪندي مطالبو ڪيو ته قائد عوام شهيد ذوالفقار علي ڀٽو کي انصاف ڏئي اداري تي لڳل داغ ڌوئي ڇڏيو، اسين وزيراعظم کي به عرض ڪنداسين ته هو موجوده حڪومت سپريم ڪورٽ ريفرنس موڪلي ياد ڏياري ته اڄ ڏينهن تائين عوام قائد عوام جي لاءِ انصاف جو مطالبو ٿا ڪن جتي قائد عوام کي شهيد ڪيو ويو اتي قائد عوام جي آئين کي ٽوڙيو ويو، قائد عوام هارين کي حق ڏنا ته عدالتن جي ذريعي زميني سڌارن کي غيرآئيني قرار ڏنو ويو ۽ عورتن جا حق هڙپ ڪيا ويا، جنرل ضياءُ الحق جي دور ۾ جڏهن عدالت سامهون اِهو سوال اٿيو ته ضياءُ الحق جو ڪو قانوني آهي يا غيرقانوني آهي ته ان وقت عدالت اسان کي ٻڌايو ته ڪو اصل ۾ انقلاب هوندو آهي ان جو مطلب اِهو ٿيو ته اعليٰ عدليه جي چوڻ تي جنرل ضياءُ الحق جو آئين، ووٽ ۽ جمهوريت تي ڌاڙو هنيو عدليه ان جي تائيد ڪئي جڏهن پيپلز پارٽي جي ڪارڪنن هن آمريت جي خلاف احتجاج ڪيو ۽ فوجي عدالتن انهن کي موت جي سزا ٻڌائي ۽ هنن ئي عدالتن انهن سزائن جي تائيد ڪئي ۽ شهيد محترمه بينظير ڀٽو کي قيد ۾ رکيو ويو جڏهن 1998ع ۾ پيپلز پارٽي جي جيالن جي رت ۽ پگهر ڏئي جمهوريت بحال ڪري شهيد محترمه بينظير ڀٽو کي اسلامي دنيا جي پهرين وزيراعظم بڻايو ان وقت به صرف محترمه کي صرف 11 مهينا برداشت ڪيو ويو ۽ اخباري ڪالم تي حڪومت ڪيرائي وئي ان جي به عدالت تائيد ڪئي، ايسيتائين جو 1996ع ۾ جڏهن هڪ ڀيرو ٻيهر شهيد محترمه بينظير ڀٽو جي حڪومت ختم ڪئي وئي ۽ ان وقت اسان عدالت ۾ وياسين ۽ موقف اختيار ڪيو ته اڳ به حڪومتن کي عدالت بحال ڪيو ۽ اسان جي به حڪومت بحال ڪئي وڃي پر عدالتن فيصلو ڏئي اسان جي حڪومت بحال نه ڪئي ۽ ان وقت اختلاف رکندڙ جج چيو هو اسان جي سامهون ٻه ڀيرا سنڌ جي وزيراعظم اچي درخواست ڪئي آهي ته اسان جي اسيمبلي بحال ڪيو ۽ اسان ٻه ڀيرا ان کي منع ڪيو ۽ جڏهن پنجاب جو وزيراعظم اسان جي سامهون ايندو آهي ته اسان ان جي اسيمبلي کي بحال ڪرائيندا آهيون اهو سوال منهنجو نه پر هڪ اختلاف رکندڙ جج کان پڇو جيڪو سپريم ڪورٽ جو هو. هن چيو ته شهيد محترمه بينظير ڀٽو سوڳ ۾ هئي ان وقت اهڙي قسم جي سازش ڪري شهيد محترمه بينظير ڀٽو کي حڪومت کان ڪڍيو ويو ۽ ان بعد جنرل مشرف جو دورو آيو ان وقت به صرف عدالت ۾ اِهو سوال هو ته آمر کي مسلط ڪري آئين ٽوڙيو ويو اِها آئيني، جمهوري يا غيرآئيني ۽ غيرجمهوري ۽ آئين جي خلاف آهي ان وقت سپريم ڪورٽ ۾ جڏهن افتخار چوڌري به حصو هو ته عدالت آئين جي دفاع جي ڳالهه ڪندي فيصلو ڏنو ۽ جنرل پرويز مشرف کي آئين کي تبديل ڪرڻ جو اختيار سپريم ڪورٽ ڏنو اها اسان جي عدليه جي تاريخ آهي ان جنرل پرويز مشرف جي دور ۾ پيپلز پارٽي جا ڪارڪن جيل ويا ۽ آصف علي زرداري بغير ڏوهه جي 11 سال جيل ۾ رهيو پر اڄ ڏينهن تائين اسان کي انصاف نه مليو ۽ نه ئي ڪنهن معافي ورتي پر پرويز مشرف هڪ ڀيري پنهنجي غلطي تسليم ڪري معافي وٺڻ جي ڪوشش ڪئي ته واقعي هن شهيد محترمه بينظير ڀٽو خلاف ڪوڙا ڪيس ٺاهيا هئا يا ان کان اڳ ٺاهيا ويا هئا ۽ هن چيو ته صدر زرداري خلاف بيڪار ڪيس آهن ۽ جڏهن مشرف معافي گهري ته چيف جستس افتخار چوڌري ان معافي کي اڏائي ڇڏيو ۽ پوري ملڪ ۾ اين آر او جو شور مچي ويو جيڪا هڪ تاريخ آهي، افتخار چوڌري ته پنهنجي تاريخ رقم ڪري ڇڏي هئي ان پاڪستان جي اعليٰ عدليه لاءِ اها تاريخ رقم ڪئي ته پاڪستان جي عدليه ڪُو تي اعتراض ڪندي آهي پر ان جي هڪ حد آهي ته هو هڪ ڪو کي برداشت ڪندا ۽ ٻئي کي نه ڪندا اها روايت افتخار چوڌري وڌي ۽ پهريون جڏهن مشرف آيو تو 100 بسم الله جڏهن ٻئي ڀيري ڪو ۾ ايمرجنسي لڳي ۽ چيف جسٽس کي ڪڍيو ويو ته تڏهن انهن کي خيال آيو ته اصل ۾ ملڪ ۾ جمهوريت ناهي ۽ اسان ان چيف جسٽس کي هيرو بڻائي پاڪستان جي عدليه کي تباهه ڪري ڇڏيو تڏهن کان وٺي اڄ ڏينهن تائين پاڪستان جي عدليه ۾ هڪ آمراڻه سوچ قائم آهي ۽ ون مين ون شو عدليه هلي رهي آهي جيڪڏهن اسان پارليامينٽ، ملڪ ۾ ٻئي هنڌ آمريت کي نه ٿا مڃون ته پوءِ اسان اعليٰ عدليه ۾ به آمريت کي نه ٿا مڃون، چوڌري افتخار ته ڪمال ڪري ڇڏيو هو ان کي مشرف هٽايو ۽ اسان ان کي بحال ڪرايو، يوسف رضا گيلاني اهو اعلان ڪيو ته اسين آزاد عدليه کي آزاد ڪري رهيا آهيون ۽ جڏهن ان کي ڪرسي ملي ۽ هو چيف جسٽس بڻيو ته ان کي آئين ٽوڙيندڙ مشرف نظر ئي نه آيو، جيڪڏهن نظر آيو ته صرف صدر زرداري ۽ ميموگيٽ نظر آيو، چوڌري افتخار جيالن جي جدوجهد ۽ پگهر جي ڪري ۽ عدليه بحاليءَ لاءِ 12 مئي تي ڪراچيءَ ۾ پيپلز پارٽي جي جيالن جو رت وهايو ويو ۽ مشرف کي آئين ٽوڙڻ تي سزا ۽ ٻين کي سزا نه ڏئي نه سگهيو پر يوسف رضا گيلاني جڏهن وزيراعظم بڻيو ته آئين نه ٽوڙڻ تي ان کي گهر موڪليو ويو ۽ راجا رينٽل جو شور مچائي هر روز ٻڌڻي ٿيندي هئي ۽ ان ئي عدالت راجا پرويز اشرف کي عدالت بري ڪري ڇڏيو آهي جيڪو اڄ اسپيڪر قومي اسيمبلي آهي پر ڪنهن کي ڪو به شرم نه آيو، هي ڪهڙي قسم جو نظام آهي پوءِ توهان چوندا آهيون ته اسين ادارن، سپريم ڪورٽ، اداري ۽ آئين کي بچائڻ چاهيون ٿا پر هاڻي سپريم ڪورٽ کي سپريم ڪورٽ کان ڪير بچائي سگهي ٿو، هاڻي ته اعليٰ عدليه کي پاڻ کي بچائڻو آهي ان کان اڳ به اهڙي قسم جا مسئلا هئا پر هاڻي جيڪو فرق نظر اچي رهيو آهي اهو پاڪستان جي تاريخ ۾ اڳ ڪڏهن نظر نه آيو ۽ ٻيا جج ٽنهي ججن جي خلاف اعتراض اٿاريندي عدم اعتماد جو اظهار ڪري رهيا آهن، اسان تمام گهڻو ڪجهه برداشت ڪيو پر منهنجو خيال ناهي ته پاڪستان جو عوام وڌيڪ برداشت ڪندو. هن چيو ته اسان جي ملڪ ۾ چيف جسٽس چاهي ته ڊيم به ٺاهي ڊيم فنڊ جمع ڪري سگهي ٿو هو هن حد تائين وڃي سگهن ٿا جو پاڻمرادو نوٽيس وٺن ٿا ۽ پاڻمرادو نوٽيس جي سزا کان بچڻ لاءِ چيف جسٽس جي ڊيم فنڊ ۾ پئسا جمع ڪرايو ته توهان کي معاف ڪنداسين اها ڪا پراڻي تاريخ ناهي هي 2018ع دوران سپريم ڪورٽ جو ڪردار جيڪو توهان جي سامهون آهي ان وقت چيف جسٽس ثاقب نثار پي ٽي آءِ جي مهم هلائي هئي ۽ 2018ع جي چونڊن ۾ ڌانڌلي ٿي ته اڳوڻي اسٽيبلشمنٽ ۽ سپريم ڪورٽ به ڌانڌلي ڪرائي ۽ اسان چاهيون ٿا ته 2013ع وانگر جڏهن پيپلز پارٽي جي جيالن آر او جي چونڊن جو نعرو هنيو ۽ 2018ع جي چونڊن ۾ سليڪٽيڊ جو نعرو هنيو اهڙي طرح هن سال جي آخر ۾ جيڪي چونڊون ٿي رهيون آهن جنهن تي ڪير به اڱر نه کڻي ۽ نه الزام هڻي ته هي صاف ۽ شفاف چونڊون نه هيون، پيپلز پارٽي جو ڪالهه ۽ اڄ به اِهو ئي مطالبو آهي ته صاف ۽ شفاف چونڊون ڪرائي ليول پليئنگ فيلڊ ڏنو وڃي، ڪنهن هڪ چونڊن ۾ خان صاحب جي ڪري ڌانڌلي ڪرائي وئي ۽ ٻي چونڊن ۾ اسان اها اجازت نه ڏينداسين ته ڪنهن جي لاءِ ڌانڌلي ڪرائي وڃي هاڻي پاڪستان جو عوام اهو فيصلو ڪندو جيڪو انهن جو حق آهي ته اهي فيصلو ڪن ته پاڪستان جو وزيراعظم ۽ حڪمران ڪير بڻجندو اِهو ڪنهن جج جو ڪم ناهي ته اهو فيصلو ڪري اڄ انهن کي خيال آيو ته فلور ڪرانسگ خراب ۽ غيرآئيني آهي جڏهن آمر جي حڪومت ٺاهڻ لاءِ پيپلز پارٽي مان ماڻهن کي ٽوڙيو ويو ان وقت فلور ڪراسنگ تي اعتراض نه ڪيو ويو ۽ تازو سينيٽ چيئرمين صادق سنجراڻي خلاف اسان عدم اعتماد آندو ان وقت سينيٽرن جي اڪثريت اهي بزنجو صاحب جي حق ۾ هئا ۽ زبردستي فلور ڪرانسگ ڪرائي وئي ۽ ان وقت عدالت فيصلو ڏنو ته هي پارليامينٽ جو ڪم آهي اسان ان ۾ نه اينداسين ۽ جڏهن پنجاب تخت لاهور جو سوال ايندو آهي ته ڪنهن سان واعدو پورو ڪرڻ جي لاءِ آئين کي ٽوڙيو ويو ۽ عدالت غيرآئيني فيصلو ٻڌايو پي ڊي ايم کان پنجاب حڪومت کسي غيرقانوني طريقي سان پرويز الاهي کي حڪومت ڏياري وئي ۽ ان غيرآئيني فيصلي جي نتيجي ۾ اڄ پاڪستان آئيني بحران ۾ آهي اِها ته اسان جي اتحادين جو حق آهي ته عدالت اِهو فيصلو ڪيئن ٻڌائي سگهي ٿي ته توهان جو ووٽ به نه ڳڻيو ويندو ۽ گڏ توهان نااهل به ٿيندئو هجڻ ته ائين گهرجي ها ته ووٽ به ڳڻيو وڃي ها ۽ پي ڊي ايم جي حڪومت ٺهي وڃي پوءِ انهن کي ننڍي چونڊن جو منهن ڏيڻو پوي ها ته پوءِ انهن کي ننڍي چونڊ لاءِ نااهل ڪرائڻ جي ڪهڙي تُڪ آهي انهن کي اسيمبلي مان ٻاهر ڪڍڻ جو مقصد جيئن توهان جي من پسند حڪومت ٺهي وڃي ۽ توهان جي موجودگي ۾ چونڊن جو اعلان ڪري هي اسان جي اتحادين جو اعتراض آهي ته جيڪا قوم جي قسمت سان مذاق ڪري کيڏيو پيو وڃي اها بدنيتي تي ٻڌل آهي ۽ پيپلز پارٽي جو مطالبو آهي ته هن ملڪ کي هن بحران مان ڪڍڻ ۽ آئيني بحران کي روڪڻ لاءِ خدانخواسته جمهوريت کي خطري کان بچائڻ لاءِ عدالت کي صرف اِهو ڪرڻو آهي ته هو لارجر بيچ ٺاهي ان ۾ سڀ جج ويهن ۽ سواءِ ٻه جج جيڪي فون تي اپوزيشن سان ڳالهائيندي پڪڙجي پيا ۽ سڀني ججن کي ويهاري سڀاڻي ئي چونڊن جو اعلان ڪري ان لاءِ پيپلز پارٽي تيار آهي.
