رستم ويجهو پلال سان ڀريل ٽريڪٽر ٽرالي ڪلٽي، نوجوان فوت

رستم ويجهو پلال سان ڀريل ٽريڪٽر ٽرالي ڪلٽي ٿيڻ سبب نوجوان عبدالباري سهندڙو هيٺان اچي چيڀاٽجي فوت ٿي ويو. ڳوٺ عظيم سهندڙو ۾ ڳوٺاڻا سارين جي ول سان ڀريل ٽريڪٽر ٽرالي ڳوٺ عظيم سهندڙو ڏانهن ڪاهي وڃي رهيا هئا ته ڳوٺ ٻاهران ٽريڪٽر ٽرالي ڪلٽي ٿي پيو، جنهن سبب ٽرالي مٿان ويٺل نوجوان ٽرالي هيٺان اچي چيڀاٽجي ساهه ٻوساٽجڻ سبب فوت ٿي ويو. نوجوان کي موجود ڳوٺاڻن پهچي سارين جي ول هيٺان ڪڍي اسپتال کڻي وڃڻ جي ڪوشش ڪئي پر نوجوان فوت ٿي چڪو هو. نوجوان جو لاش گهر پهچڻ تي ڪهرام مچي ويو.