جنس جي بنياد تي متڀيد سزا جوڳو ڏوهه هوندو:ترميمي بل منظور

اسلام آباد:سينيٽ جي انساني حقن بابت اسٽينڊنگ ڪميٽي عورتن کي ڪم واري جاين تي هراساني کان تحفظ جو ترميمي بل منظور ڪري ورتو. قانون جي دائري ۾ يونيورسٽين، آرٽ اسٽوڊيو، گهرن ۾ ڪم ڪندڙ عورتن جي هراسمينٽ کي به شامل ڪيو ويو آهي. بل موجب ملوث سرڪاري ملازم جي نوڪري ختم ۽ ترقي روڪڻ جي سزا ٿي سگهي ٿي، جنس جي بنياد تي امتيازي ورتاءُ به سزا جوڳو ڏوهه هوندو. بل ۾ چيو ويو آهي ته هراساني جي درخواستن تي فيصلو 90 ڏينهن ۾ ٿيندو.