ٽنڊوالهيار واسي پاڪ فوج جو جوان روڊ حادثي ۾ فوت

ٽنڊوالهيار: سرگودا ۾ پاڪ آرمي ۾ ڊيوٽي جا فرض سرانجام ڏيندڙ ٽنڊوالهيار شهر جي شاهه لطيف ڪالوني جو رهواسي 34 سالن جو جوان احمد علي ناريجو روڊ حادثي ۾ فوت ٿي ويو، جنهن جو مڙهه ٽنڊوالهيار آندو ويو، کيس ڳوٺ خاڪو وساڻ ۾ پاڪ آرمي جي ميجر نعمان ۽ ڪئپٽن گوادر احمد طرفان فوجي اعزاز سان سلامي ڏئي اباڻي قبرستان وهنيل پير ۾ مٽي ما حوالي ڪيو ويو. ٻڌايو وڃي ٿو ته فوتي کي هڪ نياڻي آهي.