مٺي/ اسلام ڪوٽ: ننگرپارڪر شھر جي شھيد لقمان آرمي ماڊل پبلڪ اسڪول ۾ پاڪ آرمي 206 برگيڊ بدين ڪينٽ ۽ 18 برگيڊ حيدرآباد ڪينٽ پاران ھڪ ڏينھن جي مفت ميڊيڪل ڪئمپ لڳائي وئي، جنھن ۾ ماهر ڊاڪٽرن 613 مريض ٻارن، عورتن ۽ مردن جو علاج ڪري کين دوائون ڏنيون. ان موقعي تي ڊاڪٽرن صحافين کي ٻڌايو ته اسان ماڻهن کي علاج جي سهولت ڏيڻ لا ڪئمپ لڳائي آهي، عوام جي خدمت ڪرڻ اسان تي فرض آهي، اسان پنهنجي وس آهر مفت علاج ڪري رهيا آهيون، 613 مريضن جو مفت علاج ۽ مفت ٽيسٽون ڪري مفت دوائون ڏنيون آهن، جن ۾ 139 ٻار، 127 سرجري، 140 عورتن ۽ 207 مريضن جو علاج ڪيو آهي.
