چيلهار ۽ ڀرپاسي مال ۾ بيماري، ڍور مرڻ لڳا

چيلهار: چيلهار ۽ ڀرپاسي جي ڳوٺن ۾ بيمارين وگهي چوپايو مال مرڻ جو سلسلو رڪجي نه سگهيو آهي. ارنرو، اڪليون، واگهوريا ۽ سانڏهور سميت ٻين مختلف ڳوٺن ۾ ڪجهھ ڏينھن کان ڀاڳين جو چوپايو مال وڏي تعداد ۾ مرڻ لڳو آهي. مالوندن موجب لائيو اسٽاڪ کاتو ڄاڻ هجڻ باوجود قدم نٿو کڻي، اسان جو سفر گذر پڻ چوپائي مال تي آهي، بيماري جي ڪري وڏو نقصان ٿي رھيو آهي، اسان جي ڳوٺن ۾ ميڊيڪل ٽيمون موڪلي مال جو علاج ڪيو وڃي.