لاهور :مخالف ڌر جي اڳواڻ شهباز شريف جو چوڻ آهي ته آئون عمران خان لاءِ خوفناڪ خواب آهي. ڪالهه لاهور ۾ ميڊيا سان ڳالهائيندي مسلم ليگ ن جي صدر چيو ته هن وقت ملڪ جي تاريخ ۾ سڀ کان وڌيڪ مهانگائي آهي، غربت ۽ بيروزگاري عروج تي آهي. هن چيو ته هي عمران خان نيازي ۽ سندس حڪومت جي لاپرواهي ۽ ڪرپشن جو نتيجو آهي. شهباز شريف کان سوال ڪيو ويو ته عمران خان کيس گرفتار ڪرڻ تي بيچين آهي، جنهن تي هن جواب ڏنو ته ماڻهو چون ٿا ته مان رات جو عمران نيازي وٽ ڊيڄاريندڙ خواب وانگر ايندو آهيان. بي اعتمادي واري رٿ بابت سوال تي شهباز شريف چيو ته اهو فيصلو گڏيل مشاورت سان ڪيو ويندو.
