ڳڙهي خدابخش ڀٽو واسڻ 19 ورهين جي نوجوان ناري نازيه ڌيءَ حبيب الله چانڊيو کي سندس وارثن بلڊ پريشر ۽ بخار سبب ڳڻتي جوڳي حالت ۾ کڻائي چانڊڪا اسپتال داخل ڪرايو جتي علاج دوران ڇوڪري فوت ٿي وئي. جڏهن ته ناري جي وارثن ڊاڪٽرن مٿان غفلت جو الزام لڳائيندي احتجاج ڪيو ۽ ڊاڪٽرن سان منهن ماري به ڪئي. ان موقعي تي ناري جي وارثن ٻڌايو ته اسان جي نياڻي بلڊ پريشر ۽ بخار ۾ مبتلا هئي، جنهن کي چانڊڪا اسپتال ۾ داخل ڪرايو. هنن الزام لڳايو ته داخل ڪرائڻ بعد ڊاڪٽرن ان جو بهتر علاج نه ڪيو جنهن ڪري اسان جي نياڻي اسپتال ۾ تڙپي تڙپي فوت ٿي آهي، جڏهن ته علاج نه ڪرڻ تي اسان ڊاڪٽرن کي ايلاز منٿون ڪيون جن اسان سان منهن ماري ڪري بنا علاج جي روانو ٿي ويو.
