مقصودورند ۾ گهر جي ڇت ڪري پئي، مڙس فوت، زال زخمي

مقصودورند: مقصودو رند وچ شھر جي رھائشي علائقي ۾ پورھيت محمد بخش ڪوري جو ڪچو گھر رات جي وقت اوچتو ڊهي ڪري پيو، جنھن سبب گھر مالڪ 60 سالن جو پيرسن محمد بخش ڪوري ملبي هيٺان اچي دٻجي فوت ٿي ويو، سندس گھرواري نجمه ڪوري زخمي ٿي پئي، پاڙيوارن پهچي زخمي عورت ۽ سندس مڙس جو لاش ٻاهر ڪڍي اسپتال آندو. ٻڌايو پيو وڃي ته پيرسن پورهيو ڪري پيٽ گذر ڪندو هو. واقعي بعد علائقي ۾ سوڳ ڇانئجي ويو.