لاهور: پنجاب حڪومت عوام کي ريليف ڏيندي 10 ڪلو اٽي جو ٿيلهو 650 مان گهٽ ڪري 490 روپيه ڪرڻ جو اعلان ڪري ڇڏيو آهي. حمزه شهباز چيو آهي ته اٽي لاءِ پنجاب ۾ ڪٿي به لائنون لڳڻ نه ڏينداسين. پنجاب جي وڏي وزير حمزه شهباز پريس ڪانفرنس ڪندي چيو ته حلف نه وٺڻ جي بيماري ايوان صدر مان هلي ۽ گورنر هائوس ۾ ڊيرا ڄمائي ورتا. پرويز الاهي ڪسٽوڊين آف دي هائوس ٿي ويٺل آهي. ڪسٽوڊين آف دي هائوس غنڊن ذريعي حملو ڪرايو. اسپيڪر آئين جي تحت وقتي گورنر جو حلف کڻڻ کان انڪار ڪيو. ڏيڍ مهينو ٿي ويو آهي، مون وٽ ڪابه ڪابينا نه آهي.
