بجلي 50 پئسا في يونٽ مهانگي،12 ارب اضافي عوام مان ڪڍيا ويندا

اسلام آباد :نيپرا هڪ ڀيرو ٻيهر بجلي اگهن ۾ واڌ ڪري ڇڏي آهي. نيپرا عوام تي هڪ ٻيو بجلي بم ڪيرائي ڇڏيو، بجلي جي اگهن ۾ 50 پئسا في يونٽ تائين واڌ ڪئي وئي آهي. بجلي اگهن ۾ واڌ ٽن مهينن جي ايڊجسٽمينٽ جي مد ۾ ڪئي وئي آهي. اگهن ۾ واڌ پهرين سيپٽمبر کان ٽن مهينن لاءِ لاڳو ٿيندي. تازي واڌ سان واهپيدارن تي 12 ارب رپين جو واڌو بار پوندو. رليف پيڪيج وارن صنعتي واهپيدارن کي ڇوٽ هوندي، گڏوگڏ تازي واڌ لائف لائن واهپيدارن تي به لاڳو نه ٿيندي.