اڳوڻي وزيراعظم نواز شريف چيو آهي ته عمران خان جو لانگ مارچ ڪنهن انقلاب لاءِ نه پر پنهنجي مرضي جو آرمي چيف مقرر ڪرڻ لاءِ آهي. تحريڪ انصاف جي لانگ مارچ جي حوالي سان سماجي رابطن واري ويب سائيٽ ٽوئيٽر تي پنهنجي ٽوئيٽ ۾ نوازشريف چيو ته عمران خان جو لانگ مارچ ڪنهن انقلاب جي لاءِ نه پر پنهنجي مرضي جو آرمي چيف مقرر ڪرڻ لاءِ آهي. عمران خان جو انقلاب سندس چئن سالن جي حڪمراني ۾ عوام ڏسي چڪو آهي. اڳوڻي وزيراعظم وڌيڪ لکيو ته ٻين کي چور چور سڏيندڙ عمران خان پاڻ پرڏيهي فنڊنگ، توشا خانا ۽ 50 ارب روپين جي ثبوتن سميت ڌاڙي جو تاريخ جو سڀني کان وڏو چور ثابت ٿيو آهي.
