اسلام آباد : پي ٽي آئي اسلام آباد انتظاميا کي چيو آهي ته اسان کي اسلام آباد ڌرڻي جلسي لاءِ اين او سي فوري طور تي جاري ڪئي وڃي نه ته دير ٿيڻ جي صورت ۾ توهين عدالت جي زمري ۾ ايندا. اسلام آباد ۾ پاڪستان تحريڪ انصاف جي جلسي يا ڌرڻي جي جڳهه مقرر ڪرڻ لاءِ پي ٽي آئي اسلام آباد انتظاميا جي خط جو جواب ڏئي ڇڏيو. خط جو جواب صدر تحريڪ انصاف اسلام آباد علي نواز اعواڻ پاران ڏنو ويو آهي. خط ۾ چيو ويو ته اسلام آباد انتطاميا 28 آڪٽوبر تي خط جي ذريعي پي ٽي آئي اسلام آباد کان ڪجهه معلومات گهري هئي. انتظاميا کي گهربل معلومات مهيا ڪئي وئي آهي، هاڻ فوري طور تي پرامن جلسي جي انعقاد لاءِ اين او سي جاري ڪري.
