ڪشمور ڀرسان ڪارنهن الزام ۾ نوجوان قتل، عورت محفوظ

اوٻاوڙو/رائونتي: ڪشمور جي ڪچي واري علائقي گيھلپور ٿاڻي جي حد ۾ ڪارنهن الزام هيٺ مڙس حاڪم شر ٽن ساٿين جي مدد سان فائرنگ ڪري نوجوان نصير احمد شر کي گوليون هڻي قتل ڪري ڇڏيو، جڏهن ته عورت شرمان ڀرواري گهر ۾ لڪي جان بچائي، جنهن بعد جوابدار فائرنگ ڪندا فرار ٿي ويا. ٻي طرف مقتول جو لاش ڪشمور اسپتال منتقل ڪيو ويو، جتان ضروري ڪارروائي بعد لاش وارثن حوالي ڪيو ويو. آخري اطلاعن تائين واقعي جو ڪيس داخل نه ٿي سگهيو.