ڪنري: نبي سر ٿر ويجهو ٿرڪول ڊئم ۾ سيلفي ٺاهيندي 2 سڳا ڀائر ڪري پيا، جنهن ڪري ٻئي ڊئم ۾ ٻڏي فوت ٿي ويا. خبر موجب نبي سر ٿر ويجهو اسلام ڪوٽ ڊئم لا پاڻي پهچائڻ لا ٺاھيل ٿرڪول ڊئم تي گهمڻ لا آيل ڳوٺ چوڌري ارشاد آرائين نوان پنڊي جا رهواسي 2 ڀائر 20 سالن جو انس ۽ 16 سالن جو سعد ولد غفار آرائين ڊئم ۾ ڪري ٻڏي فوت ٿي ويا. ٻئي ڀائر پنهنجي دوستن کي ڊئم گهمائڻ لا ٻن موٽرسائيڪلن تي سوار ٿي پهتا، جيڪي سيلفي ٺاهي رهيا هئا ته هڪ ڀا پير سلپ ٿيڻ سبب ڊئم ۾ ڪري پيو، جنهن کي بچائڻ لا ٻئي ڀا هٿ وڌو ته ٻئي ڊئم ۾ ڪري پيا ۽ ٻڏي فوت ٿي ويا، واقعي دوران سندن دوستن رڙيون ڪيون، ٿرڪول ڊئم جون آفيسون وک پنڌ تي هئڻ باوجود ڊئم جي سنڀال لا مقرر اهلڪار دير سان پهتا، جن ٻنهي ڀائرن کي ٻاهر ڪڍڻ جي ڪوشش ڪئي، پر ناڪام ٿي ويا، جنهن بعد فرلانگ پنڌ تي ھاڪڙي ڍوري جي پل تي مڇيون مارڻ لا رڇ لڳائي ويٺل ملاحن کي آندو ويو، جن ٻنهي ڀائرن جا لاش ٻاهر ڪڍيا اطلاع تي نبي سر پوليس پوسٽ انچارج پهچي ٻنهي ڀائرن جا لاش تعلقي اسپتال منتقل ڪيا، جتان ضروري ڪارروائي بعد لاش وارثن حوالي ڪيا ويا، جيڪي گهر آندا ويا ته ڪهرام مچي ويو.
