تحريڪ انصاف ضمني چونڊون وڙهڻ جو اعلان ڪري ڇڏيو، خالي ٿيل سمورين 33 سيٽن تي عمران خان اميدوار هوندو، جڏهن ته اڳوڻا چونڊيل ميمبر ڪورنگ اميدوار طور پنهنجا ڪاغذ جمع ڪرائيندا. تحريڪ انصاف جي ڪور ڪميٽي جي اجلاس بعد شاهه محمود قريشي تفصيل ٻڌائيندي چيو ته عمران خان جي صدارت هيٺ ڪور ڪميٽي ۽ پارلياماني ڪميٽي جي ٿيل اجلاس ۾ فيصلو ڪيو ويو ته ضمني چونڊن ۾ عمران خان اميدوار هوندو ۽ ڊي نوٽيفائيڊ ايم پي ايز ڪورنگ اميدوار طور پنهنجا ڪاغذ جمع ڪرائيندا. هن چيو ته تحريڪ انصاف سياسي ميدان ۾ رهندي، قوم اسان سان گڏ آهي.
