اسلام آباد :اليڪشن ڪميشن آف پاڪستان قومي اسيمبلي جي 37 تڪن ۾ ننڍي چونڊ ملتوي ڪري ڇڏي. اليڪشن ڪميشن 37 سيٽن تي ننڍي چونڊ ملتوي ڪرڻ جو نوٽيفڪيشن به جاري ڪري ڇڏيو. اليڪشن ڪميشن جي پڌرائيءَ موجب خيبر پختونخوا جي قومي اسيمبلي جي 24، اسلام آباد جي 3 ۽ بلوچستان جي هڪ سيٽ تي ننڍي چونڊ ملتوي ڪئي وئي آهي. اليڪشن ڪميشن جو چوڻ آهي ته سنڌ جي قومي اسيمبلي جي 9 تڪن تي به ننڍي چونڊ ملتوي ڪئي وئي آهي. اليڪشن ڪميشن موجب عدالتي فيصلن جي روشني ۾ ننڍي چونڊ ملتوي ڪئي وئي. واضح رهي ته ننڍي چونڊ 16 ۽ 19 مارچ تي شيڊيول هئي.
