مسلم ليگ (ن) جي نائب صدر ۽ چيف آرگنائيزر مريم نواز پنجاب اسيمبلي جي 4 تڪن تان چونڊون وڙهڻ جو فيصلو ڪندي نامزدگي جا ڪاغذ جمع ڪرائي ڇڏيا آهن، چئن تڪن مان لاهور جا 3 ۽ هڪ گوجرانوالا جو تڪ شامل آهي. مريم نواز ڪالهه پنجاب اسيمبلي جي چئن تڪن تي چونڊ وڙهڻ لا پنهنجا نامزدگي ڪاغذ جمع ڪرايا. واضح رهي ته پنجاب اسيمبلي ٽوڙڻ بعد ٻيهر چونڊن لا صدر ۽ اليڪشن ڪميشن طرفان 30 اپريل جي تاريخ مقرر ڪئي وئي آهي. ان سلسلي ۾ مسلم ليگ (ن) به پنجاب اسيمبلي جي چونڊن لا تياريون شروع ڪري ڇڏيون آهن. مريم نواز جن تڪن تي نامزدگي ڪاغذ جمع ڪرايا آهن، انهن مان پي پي 158 لاهور، پي پي 173 لاهور، پي پي 149 لاهور ۽ پي پي 63 گوجرانوالا شامل آهن. ٻئي طرف پي پي 173 جي ريٽرننگ آفيسر آفتاب احمد طرفان مريم نواز کي 22 مارچ تي ڪاغذن جي جانچ پڙتال لا شخصي طور تي طلب ڪيو ويو آهي.
