ڪنري: ڪنري ويجھو ڪار روڊ پار ڪندڙن ماڻهن مٿان چڙهي وئي، معصوم ٻارڙو ڏاڏي سميت فوت ٿي ويو. خبر موجب ڪنري ويجهو چيل بند اسٽاپ وٽ تيز رفتار ڪار رستو پار ڪندڙ پورھيتن مٿان چڙھي ڪلٽي ٿي وئي، جنهن سبب ٻن سالن جو ڪيلاش ۽ سندس ڏاڏي 55 سالن جي اومان ٿڏي تي فوت ويا. جڏھن ته ناجو، ڪويتا ڪولھي، راجيش ڪمار، اسحاق ساند، تنوير ۽ جمشيد سميت 7 ماڻهو مرڻينگ ٿي پيا، اطلاع تي ڪنري پوليس ۽ ڳوٺاڻا وڏي انگ ۾ پھچي ويا، پوليس فوتين جا لاش ۽ زخمين کي کڻائي تعلقي اسپتال ڪنري آندو، جتان فوتين جا لاش ضروري ڪاروائي بعد وارثن حوالي ڪيا ويا. ڏکوئٔيندڙ واقعي تي علائقي ۾ سوڳ ڇانيل آھي.
