ميان ثاقب نوازشريف دشمني ۾ گهڻو پري هليا ويا آهيو:خواجا آصف

اسلام آباد : بچاءُ واري وزير خواجا آصف اڳوڻي چيف جسٽس ميان ثاقب نثار جي آڊيو ليڪ تي ردعمل ڏيندي چيو آهي ته ميان ثاقب جي آڊيو ٻڌي گهڻو ڏک ٿيو، اوهان نوازشريف دشمني ۾ گهڻو پري هليا ويا آهيو. اڱاري پنهنجي ٽوئٽ ۾ خواجا آصف چيو ته اوهان ڏهه پندرنهن سال اڳ پنهنجون نوازشريف ۽ شهبازشريف سان ٻه شڪايتون مون سان بيان ڪيون جيڪي بلڪل بي بنياد آهن. مان ميڊيا تي حقيقت بيان ڪري سگهان ٿو. هن چيو ته اوهان نوازشريف کان بدلو ورتو ۽ ان کي سزا ٻڌائي. اوهان اڃا ڪيترو ۽ هن زهر کي پاليندا رهندا.