ٻانڌي: ٻانڌي ۾ وڌندڙ بدامنيءَ خلاف جسقم ڪارڪنن بادل بروھي، الطاف عمراڻي، محبوب پنڃارو ۽ علي ديشي جي اڳواڻي احتجاجي ريلي ڪڍي، جيڪا شھر جي مختلف بازارن کان ٿيندي پريس ڪلب ٻانڌي پھتي. جتي اڳواڻن ميڊيا سان ڳالهائيندي چيو ته ٻانڌي ۾ وڌندڙ بدامنيءَ سبب ماڻھو سخت پريشان ٿي ويا آھن شھر کان گھر تائين به ماڻھو محفوظ ناهن رھيا، ايس ايڇ او ٻانڌي ڏوھن تي ڪنٽرول ڪرڻ ۾ بلڪل ناڪام ٿي ويو آهي، اسان پوليس کي پندرهن ڏينهن جو وقت ڏيون ٿا جيڪڏھن جسقم اڳواڻ الطاف عمراڻي جي ڀاءُ کان ڦر ٿيل موٽر سائيڪل واپس نه ٿي ته ٿاڻي ٿاڻي سامهون ڌرڻو ھنيو ويندو.
