اسلام آباد: وفاقي وزير ۽ چيئرپرسن بينظير انڪم سپورٽ پروگرام شازيا مري چيو آهي ته پاڪستان پيپلزپارٽي جي قيادت هميشه ملڪ ۾ جمهوري عمل کي مستحڪم ڪرڻ لاءِ سياسي قوتن وچ ۾ ڳالهين جي حمايت ڪئي آهي. هڪ بيان ۾ هن چيو ته عمران خان پاڻ اسيمبلين مان ٻاهر نڪري غير سياسي طريقي جي چونڊ ڪئي ڇو ته هو چڱي طرح ڄاڻندو هو ته پنجاب ۾ پي ٽي آئي جي حڪومت ڪرڻ واري آهي. شازيا مري خدشو ظاهر ڪيو ته پي ٽي آئي جو صرف پنجاب ۾ اليڪشن ڪرائڻ جو مطالبو وفاق جي خلاف هڪ وڏي سازش آهي. هي آئيني ذميواري آهي جو سنڌ ۽ بلوچستان جي قومي اسيمبلي ۽ صوبائي اسيمبليون پنهنجو مدو پورو ڪن.
